Endamê Têgêrayîşê Huner û Kulturê Kurdan ê Ewropa ameyî têhet û hemkarîya PDKyî şermezar kerde.

Endamê Têgêrayîşê Huner û Kulturê Kurdan ê Ewropa bajarê Kolnî yê Almanya de ameyî têhet. Hunermendan derheqê qewimîyayîşanê peyênan û nê prosesî de rolê cepheyê hunerî de munaqeşe kerd û tayê qerarî girewtî.

Hunermendan veng da hêzanê PDKyî ke wa îxanetî ra bixelisîyo û vat: ”Eke ê wina dewam bikerê do wîjdanê ma hemeyan de bibê mehkum û pelanê tewr leyminan ê tarîxî de cayê xo bigêrê. Coka ma vanê ke ma do bi xoverdayîşî hêrişanê îşxalî bin bifînê. La ganî yewîyê Zêrevan, Gulan û Rojî yê ke xo sey hêzanê taybetan rêxistine kerdo vindertişê xo bibedilnê. Ma vengdayîşê xo newe kenê. Roje semedê şarê kurdî vera heme hêzanê îşxalkeran roja xoverdayîş û serkewtişî ya. Nê rojan de ma kedkar û hunermendê kultur û hunerî do sey serkêşê prosesî gaman bierzê.”

Kombîyayîş de wina ame vatene: ”Dewleta tirke heme îmkananê xo semedê nê şerî şuxulnena. La na rewşe semedê ma zafêr muhîm a. Aye ro ganî ma bi ruhê seferberîye nêzdîye ci bibê. Bitaybetî nê prosesî de ganî ma sey xebatkaranê kultur û hunerî rolê xo yê ‘wîjdanê şarî’ dahîna xorî hîs bikerê û goreyê ci gaman bierzê.”