Şerê ku li Zap, Avaşîn û Metînayê di 14’ê nîsanê de dest pê kiriye, 40 roj derbas kir. Her roj leşker tên kuştin. Lê medya Tirkiyeyê rastiya şer ji gelê Tirkiyeyê vedişêre. Li gorî daxuyaniya Navenda Ragihandin û Çapemeniyê ya HPG’ê di çalakiyan de bi pêşengiya YJA Starê de 18 leşker hatin kuştin, 5 leşker jî birîndar bûn. Di şer de çekek leşkeran hate desteserkirin. Balafirên şer qadên şer bi çekên kîmyewî û teqemeniyan bombe kir. Çapemeniya HPG’ê da zanîn ku artêşa tirk 28 caran bi çekên kîmyewî û teqemeniyan, 63 caran bi balafirên şer û helîkopteran û bi sedan carî jî bi obusan bombe li Herêmên Parastinê yên Medyayê barandin û ev agahî dan: “Hêzên me jî bi pêşengiya YJA Starê çalakî kirin. Di encamê de 18 leşker hatin kuştin, 5 leşker jî birîndar bûn. Çekek bi tîpa MPT 55 û berguhkek hatin desteserkirin.