Rojhelatê Kurdistanî de qezaya Karzanî ya şaristanê Îlamî de Newroze bi coşî ameye fîrazkerdene. 65 hezar kesî tewrê ci bîyî.
Qezaya Karzanî ya şaristanê Îlamî ya Rojhelatê Kurdistanî de bi beşdarîya 65 hezar kesan Newroze ameye fîrazkerdene. Beşdaran bi kincanê xo yê neteweyîyan adir vist ta û dormeyê adirî de govende girewte.
Dewleta Îranî tim kena ke şayîyanê Newroze asteng bikera. Newroza emserêne de tedayê Îranî zêdîyayî. Hewteyêkî verî hunermend Hesen Kakeyî seba ke merşo neteweyî wendo îşkence dî.