Fatma Îçîna ke ‘Kênayê vînîbîyaye’ yê Dêrsimî ra yew a merde.
Fatma Îçîna ke ‘Kênayê vînîbîyaye’ yê Terteleyê Dêrsimî ra yew a û serranê 1937-1938an de 10 serrî bî merde. Tertele de gijikê Îçîne yeno tirakerdene û dîyena efserek. Îçîne 95 serrî ya xo de qezaya Kexta ya Semsûrî de cuya xo vînî kerde. Îçîne kitabê Nezahat Gundogan û Kazim Gundoganî yê bi nameyê ‘Kênayê Vînîbîyaye yê Dêrsimî – Tertele Çeneku’ û belgefîlmê bi eynî nameyi de ca girewte.
Îçîne wexto ke tertele de kokê x ora yena qetênayene hema 10 serrî bî. Gijikê aye tira kenê û dane efserek. Badê xeylê serran yena zewecnayene, domanê aye virazîyenê û ê domanî pîl benî. Dej û derde zerrîya xo înan rê vana û seba ke reyna rastê kokê xo bêra kewena rayîrê Dêrsimî. La kesêkî nêvînena. Îçîne Dêrsimî ra bi çengêk herre agêrena Kexta û vana: “Eke ez rojêk bimira na herre birijnêne serê mezelê mi.” DÊRSIM
