Di çarçoveya lêprisîneke Serdozgeriya Komarê ya Amedê de li 21 bajaran der barê 216’an kesan de biryara binçavkirinê hatibû dayîn. Ji van kesan 134 kes hatibûn binçavkirin. Ji kesên binçavkirî 24 kes hatin girtin.
Rojnamevan Mehmetşah Orûç, Berîtan Canozer, Abdûrrahman Gok û remzî Akkaya bi îdiaya “endamtiya rêxistinê”” hatin girtin. Piştî rojnamevanan 8 kesên din jî sewqî Dadgeriya Ceza ya Sulhê hatin kirin.
Dadgeriya Ceza ya Sulhê Devrîm Ronî Atîk, Kadîr Şencî, Berfîn Can, Muhsîn Acar, Osman Demîr, Rûmet Çetîn, Cotkar Amara Yurek, Mehdî Kaya, Hamza Cihangir, Hasret Yelboga, Suat Arda Işik, Şahin Biçimli, Hakim Kaya, Mikail Barut ûTacettin Araz jî bi îdiaya “endamtiya rêxistinê” girt.
3 parêzer hatin berdan
Ji parêzerên hatin binçavkirin Eylul Ozgultekîn, Gûrbet Ozbey û Jiyan Sametoglû hatin berdan.
Her wiha ji şanogerên ku hatibûn binçavkirin Elvan Koçer, Şahperî Alphan Bayhan jî bi şertê kontrola edlî hatibûn berdan.
Kesên din ên hatin berdan
Ramazan Kaval, Talip Turan, rêveberê Komeleya 78’an Abdulgani Alkan, Avaşin Yanar Tarık Adanır, Talip Turan, Muslum Şahinsoy, Suleyman Avci, Havva Canaoglu, Zeynep Demir, Seyit Uzbaş bi şertê kontrala edlî hatin berdan. Xwediyê Îmtiyazê yê Rojnameya Xwebûnê Kadrî Esen û hunermend Ozcan Ateş, Yavûz Akkûzû, Devrîm Demîr û Hamdusena Ozbey, Mehmet Yalçin û Husamettîn Kiliç jî bi şertê kontrola edlî hatin berdan.
