Jimartina rayên Hilbijartina Serokkomariyê û Hilbijartina Giştî didome. Li bajarên bakurê Kurdistanê li gorî rêjeya sindoqan ku ji sedî 44,30 hatine vekirin, Namzetê Serokkomariyê yê Tifaqa Millet Kemal Kiliçdaroglû bi ferqek zêde li pêşiya Tayyîp Erdogan e.
Li gorî daneyên ANKA’yê ku sindoqên ji sedî 44,30 hatine vekirin de; encama ji bo Kiliçdaroglû li bajarên bakur wiha ne: Amed ji sedî 72,07, Êlih ji sedî 68,07, Şirnex ji sedî 72,77, Mêrdîn ji sedî 69,39, Colemêrg ji sedî 76,89, Wan ji sedî 60,66, Sêrt ji sedî 61,44, Dêrsim ji sedî 79,86, Erdexan ji sedî 58,39, Qers ji sedî 54,60, Agirî ji sedî 64,05, Idîr ji sedî 59,12, Mûş ji sedî 67,74, Bedlîs ji sedî 51,78.
