Dewleta tirk, êrîşî Şengalê ku ji DAIŞ’ê hatibû rizgarkirin dike û dixwaze tu derfetên jiyanê li Şengalê nemînin. Bi vê armancê ji çend mehan carekê êrîşên hewayî li dijî herêmê pêk tîne û dixwaze lêvegera niştecihên Şengalê asteng bike. Ji aliyê jinan ve li Şengalê xebatên ku vê armancê vala derbixin tên kirin.
Di vê çarçoveyê de Yekîtiya Jinên Ciwan a Şengalê, li gundê Solaxê kampa Jîneolojiyê da destpêkirin. Kamp di çarçoveya pêngava ‘Jin, Jiyan, Azadî, bi ser bixe azadî’ pêk tê û wê sê rojan dewam bike. Di kampê ku bi navê ‘Şehîd Nazê’ tê lidarxistin de gelek jinên ciwan beşdar in.
Di kampê de wê jin ji aliyekî ve perwerdeya bîrdozî bibinin û li aliyekê ve jî di warê çand û hunerê de xwe perwerde bikin.
