Partî û dezgehan Amed de venga pêro merdiman da ke ê seba pîlkerdişê xoverdayîşê vera şerî û seba pîlkerdişê yewîya kedkaran 1ê Gulane de waran de bibê.

Partî û dezgehan Amed de eşkerayîya 1ê Gulane daye. Hemserekê KCDyî Berdan Ozturk, Hemsereka DBPyî Salîha Aydenîz, temsîlkarê ESPyî, aktîvîstê TJA, KESK, DÎSK, TMMOB, TTB, DTO û xeylêk temsîlkarê sendîka û dezgehan tewrê eşkerayîye bîyî.

Berdan Ozturkî eşkerayîye wende û da zanayane ke polîtîkayanê şer û asayîşî krîzo ekonomîk awan kerd. Ozturkî vat: ”AKP seba ke rejîmê yewkesî awan bikero polîtîkaya şerî aver beno. Erdogan hetêk ra şerê Ukrayna û Rûsya de mabênkarîye keno hetêkê bînî ra zî rojhelatê mîyanênî de şerî vila keno.

Ma venga pêro merdiman danê ke 1ê Gulane de bi reng û vengê xo vejîyê waran. Seba têkoşînê vera krîzê ekonomîkî, seba pîlkerdişê xoverdayîşê vera şer û wêranîye û seba pîlkerdişê yewîya kedkaran 1ê Gulane de waran de bibê.”