Malbata Ocalan û şêniyên gund dayika Rêberê PKK’ê Abdullah Ocalan, Uveyş Ocalan di 31’emîn salvegera wefata wê de li ser gora wê ya li goristana gundê Amara yê Xelfetiya Rihayê bi bîr anîn.
Malbata Ocalan, şêniyên gund, Hevşaredara Xelfetiyê Saniye Bayram, endam û rêvberên rêxistina navçeyê û rêveberên Komeleya Piştevanî û Çandê ya bi Malbatên Xizmên Xwe li Xaka Qedîm Windakirin re (KATDER) tev li bîranînê bûn. Kesên li ser gora Uveyş Ocalan hatin gel hev, piştî daxuyaniyê qurnefîl danîn ser gorê. Di heman demê de şande çû serdana xwişka Rêberê PKK’ê Abdullah Ocalan, Fatma Ocalan ku ji ber pirsgirêkên tenduristiyê tê tedawîkirin.
