Polîsanê tirkan merkezê ci Amed xeylêk şaristanan de eşt xeylêk adres û keyeyan ser û sere de rojnamegerê kurdî, sîyasetmedar û hunermendî tewr tay 150 kesî destbend kerdî.
Polîsan eşt keyeyanê Wayîrê Ajansê Mezopotamya (MA) Ferhat Çelîk, Edîtorê MA Abdurrahman Gok, Mudirê Karanê Nuşteyan ê Yeni Yaşamî Osman Akin û Wayîrê Îmtîyazî yê Xwebûnî Kadrî Esen û xeylêk adresan ser. Polîsan keyeyî serûbin kerdî, dest na kitab û komputeran ser. Seba ke Ferhat Çelîk keye de nêbî nêame destbendkerdene.
Sereştişan de Edîtorê MA Abdurrahman Gok, muxabîrê MA Ahmet Kanbal, Osman Akin, Kadrî Esen, Hemsereka OHDyî ya Amedî Halîse Dakali, avûkatî Ozume Vurgun, Bunyamîn Şeker, Berdan Acûn, Pîrozhan Karali, Şewirmenda Hemsereka DBPyî Salîha Aydenîze Sezen Mercane, kaykerdoxê Tîyatroyê Şaristanî yê Amedî Yavuz Akkuzu, Ozcan Ateş û Elvane Koçer zî tede xeylêk kesî ameyî destbendkerdene.
Hetkarê Hemserekanê Pêroyîyan ê HDPyî Tayyîp Temelî vera sereştişan nêrazîbîyayîşê xo mojna û ard ziwan ke îqtîdar tersê binkewtişê weçînayîşan ra nê operasyonan keno.
Komeleya Huqûqnasan a Seba Azadîye (OHD) pare kerd ke Amed, Êlih û Riha de xeylêk kesî ameyê destbendkerdene. OHDyî da zanayene ke bire daye ke 24 saetan avûkatî do nêeşkê muwekîlanê xo bivînê. OHDyî vat: ”Nê kerdişê bêhuqûqî do pê ma nêeşkê. Ma do hetê embaz û muwekîlanê xo de bê.”
Nameyê tay destbendkerdeyan zî wina yê:
Mehmet Oner, Halîse Dakali, Resul Temur, Pirozhan Karali, Muhittin Muguç, Ozume Vurgun, Bunyamîn Şeker, Firat Taşkin, Salîh Tekîn, Zozane Acar, Mazlum Dînç, Buşra Eylul Ozgultekîn, Gulane Çagin Kalelî, Burhan Arta, Jiyane Sametoglu, Metîn Ozbadem, Gurbete Ozbey Oner, Adîle Salman, Şerzan Yelboga, Suleyman Şahîn, Gulîstane Ataş, Firat Yildiz, Serhat Hezer, Kenan Aygay, Şîrîn Şen
