Çalakiya Malbata Şenyaşar a di 9’ê adara 2021’ê de destpê kirî û li pêşiya Edliyeya Rihayê didome. Çalakî di roja 387’an de berdewam dike. Ji ber nexweşiya Dayik Emîne Şenyaşar nexweş bû beşdarî nobeta îro nebû lê Ferît Şenyaşar çalakî domand.

Malbatê li ser hesabê xwe ya medyaya dijîtal peyamek parve kir û wiha got: “Kesên ku zarok û hevjînê vê dayikê li nexweşxaneyê qetil kirin, xwe li pişt Recep Tayyîp Erdogan vedişêrin. Lewma ev 387 roj in ev dayike li ber deriyê edliyeyê diqîre. Hemû dinyayê hewara vê dayikê bihîst. Lê vê dayikê kir û nekir nekarî dengê xwe bigihîne serokomar.”