Parlamentera HDPyî Muazzez Orhane derheqê qetilkerdişê Fîrdevs Babate de wina qisey kerd: “Ma do polîtîkayanê AKP-MHPyî yê vera bedenê cinîyan pûç bikerê. Têkoşîn do heta awankerdişê cuyêka azade dewam bikero.”

Têgêrayîşê Cinîyan ê Azadan (TJA) verê bînaya HDPyî ya qezaya Rêya Armûşî de eşkerayîye daye û kişîyayîşê Fîrdevs Babata ke hetê cerdevanêkî ra ameye tecawuzkerdene û qetilkerdene protesto kerd. Parlamentera HDPyî ya Wanî Muazzez Orhane, Rêxistinê HDPyî û DBPyî, Komela Cinîyan a Starî û bi desan kesî tewrê eşkerayîye bîyî.

Eşkerayîye hetê Muazzez Orhane ra ameye wendene. Muazzez Orhane ard ziwan ke polîtîkayê şerê taybetî yê AKP-MHPyî yê vera cinîyan zêdîyayê û vat: “Cinîyî hetê camêrdanê unîformakerdeyan ra yenê qetilkerdene. Ma do têkoşînê xo yê rêxistinbîyayeyî bipawê, polîtîkayanê AKP-MHPyî yê vera bedenê cinîyan pûç bikerê. Têkoşîn do heta awankerdişê cuyêka azade dewam bikero. Biciwîyo paştdayîş û xoverdayîşê cinîyan.”

Qiseykerdişan ra dima çalakîya roniştişî ameye kerdene.