Qezaya Pirsûsî ya Riha de polîsanê tirkan eşt keyeyan ser û namzedê endamîya şaredarîye û Hemsereka DEM Partî ya qeza zî tede 12 kesî destbend kerdî.

Sereştişan de Hemsereka DEM Partî ya Pirsûsî Nazliye Bînîcî û namzedê endamîya Meclîsê Şaredarîye Serkan Balî, Selamî Kîp û Zeliha Polat zî tede Nîhat Demîrbîleklî, Muslum Baran, Metîn Balî, Baran Karak, Fadil Kocakaplan, Ahmet Ceylaner, Mehmet Yuce, Bîlal Zeren ameyî destbendkerdene.

Destbendkerdeyî ameyî berdene bi mudirîya asayîşî. Sebebê destbendkerdişan nêzanîyeno. Wina pawîyeno ke hûmara destbendkerdeyan do bizêdîya.