Platformê Kede û Demokrasîyî yê Dêrsimî de vera zemanê ke têdima yenê îqtîdar protesto kerd û vat: “Hinî bes o, ma nêeşkenê îdareyê xo bikerê.”
Platformê Kede û Demokrasîyî yê Dêrsimî vizêr semdê protestokerdişê dîyarşîyayîşê dovîzî û pîya bi naye têdima ameyîşê zeman waşt Meydanê Seyîd Rizayî de eşkerayîye bido. Polîsan dormeyê meydanî girwt û destûrê eşkerayîye nêda.
Çalakwanan qedexeyê çalakîyan o ke bi bahaneyê janê Korona yeno domnayene bi slogananê ”wa binbikewo dîktatorîya faşîste” û ”zextî nêeşekenê ma vindarnê” protesto kerd û bi sloganan, çapik û fîtîkan ver bi Kuçeyê Sanatî rayra şîyî.Tîya pankarta ‘Hinî Bes o ma nêeşkenê îdareyê xo bikerê” ameye akerdene. Eşkerayîye de bale ameye antene polîtîaya talanî ya hukmatî ser û ame vatene ke her roje zemî benê û vera naye destmizî helîyenê. Seba ke destmizê asgarî binê sînorê vêşanîye de yo şar neêşeno biciwîyo. DÊRSIM
