Cenazaya Aysel Dogane key ke reste Dêrsimî xeylêk rey ame vindarnaye. Polîsî destûr nêdanê ke cenaza bêra berdene keyeyê Dogane yê taxa Gazîkî.

Cenazaya cinîya kurde ya şorişgêre Aysel Dogane bajarê Kolnî yê Almanya ra bi rayîrê hewayî ameye ardene Amed. Cenaza hetê Hemsereka DBPyî Salîha Aydeniz, Vervatoxa HDPyî Ebru Gunay, parlamenteranê herême, aktîvîstanê TJA, merdimanê Dogane û xeylêk kesan ra bi slogana ”şehîdî nêmirenê” ameye verwazîkerdene û şawîyaye Dêrsimî.

Dêrsimijî zî Pirdê Seyîdlî yê Mazgêrdî de ameyî vera cenaza. Konvoyê cenazaya Dogane rayîr de xeylêk rey nuqtayanê kontrolî de ame vindarneye. Polîsan nuqtaya dekewtişê taxa Turişmekî de verê wesayîtê cenaza girewt û destûr nêda ke cenaza bêra berdene keyeyê Dogane yê taxa Gazîkî. Polîs keno ke cenaza Goristanê Asrî de bêro definkerdene. Naye ser o bi seyan kesan nuqtaya kontrolî de dest pê çalakîya roniştişî kerde. Polîsî pê tomayan hêrişî şarî kenê. La rixmê hêrişê polîsan şaro qerardar wayîrê cenazaya Aysel Dogane vejîyeno.