Meclîsê Pîranê Elewîyan ê FEDA îfade kerd ke Unîversîteya Munzurî dezgehê asîmîlasyon, înkar û qirkerdişê kulturkîyî yo.

Meclîsê Pîranê Elewîyan ê Federasyonê Elewîyan ê Demokratîkan (FEDA) derheqê Unîversîteya Munzurî eşkerayîye daye.

Meclîsê Pîran vat: “Ma xeberan ra eşnawit ke kampusê Unîversîteya Munzurî de hetê muftîyîye ra binê nameyê Merkezê Ciwanan ê Dîyanetî yê Hz. Alî, Merkezê Ciwanan ê Hz. Fatma, Kursê Quranî yê Ehl-i Beytî de halînê asîmîlasyonî ameyî akerdene. Ma sere de nê zîhnîyetê nahakî qebul nêkenê û şermezar kenê. Unîversîteya Munzurî merkezê perwerdeyê zanistî nîyo, dezgehê asîmîlasyon, înkar û qirkerdişê kulturkîyî yo.”