Polîsê ke dormeyê keyeyê Aysel Dogane girewt şînê Dogane asteng kenê.

Aysel Dogane 11ê gulane de Almanya de dinyaya xo bedilnabî û cenazaya ci 14ê gulane de amebî ardene bi Dêrsimî. La polîsan hêrişê wesayîtê cenaza kerdbî û cenaza remnabî. Polîsan nêverdabî ke girse bikewo goristan û têna keyeyê Dogane rê destûr dabî.

Hêrişê polîsanê tirkan de roja şemeyî parlamenter û rojnamevanî zî tede xeylêk kesî dirbetin bîbî.

Dîya zanayene ke polîsî nika zî şînê Dogane asteng kenê. Ame parekerdene ke polîsan dormeyê keyeyê Aysel Dogane girewt, waşt kursîyanê keyeyê şînî wedarnê û merdimanê ke ameyê şînî rê vat: “Ma bi venê bermayîşî aciz benê.”