Endamê Heyetê Rayberdişê Merkezî yê Partîya Demokratîke ya Şaran (HDP) Velî Saçilikî seba şermezarkerdişê qirkerdişê Denîz Poyraza xebatkara HDPyî tewrê çalakîya Anqara bi. Ame zanayene ke Saçilikî wextê çalakîye de hetê polîsan ra ameyo derb kerdene.
Vizêr Anqara de qirkerdişê Denîz Poyraza ke bînaya HDPyî ya Îzmîrî de hetê nijadperestêko perwerdekerde ra ameybî qetilkerdene, pê çalakîyêke ame protestokerdene. Çalakîye de Endamê Heyetê Rayberdişê Merkezî yê HDPyî Velî Saçilik ame destbendkerdene û dima vera dîya. Saçilikî ard ziwan ke polîsan o derb kerdî.
Saçilikî hesabê xo yê twitterî ser de mesajêk da û da zanayene ke polîs 10 deqayan nişt milê ci ser û pê ey heqaret kerd.
