Polîsanê Almanya şaristanê Darmstadtî de eşt Merkezê Komelê Kurdan ê Demokratîkî û xeylêk adresan ser.
Komele de cigêrayîşî 06.00-11.00 de qewimîyayî. Dîya zanayene ke sereştiş tay aktîvîstanê tepişteyan ê Abdullah O., Ozgur A., Gokmen Ç. û Mazhar Tyî de eleqedar o. Nînan ra teyna Mazhar T. par vera dîyabî.
Bi heman sebebî şaristananê Russelsheim, Mainz û Mannheimî de zî erzîyayî keyeyan ser.
Russelsheim, Mainz de keyeyanê Hemserekanê Verênan ê FCDK-KAWA Songul Çelîke û Mehmet Emîn Denîzî de cigêrayîşî ameyî kerdene.
Mannheim de zî keyeyê Hemserekê Merkezê Komelê Kurdan ê Demokratîkî Halîs Doganî cigêrîya.