Şêwirmendê Ewlehiya Nîştimanî ya Iraqê Qasim Erecî, li ser hesabê xwe yê medya dijîtal der barê hevdîtina li gel hempîşeyê xwe yê Îranî parvekirinek kiriye û wiha gotiye: “Doh bi şev li Bexdayê li gel hempîşeyê xwe yê Îranî, em li ser hewildanên ji bo parastin û ewlekariya sinorên navbera her du welatan de axivîn.”
Hêjayî bibîrxistinê ye di çend rojên borî de Qasim Erecî li gel şandeyek leşkerî serdana Hewlêrê kiribû. Li gel Wezîrê Karên Hindir ê Herêma Kurdistanê civiyabû. Di civînê de li ser ewlehî û parastina sinorên di navbera Iraq û Îranê de axivîbûn.
