Riha û Semsûr de varayîşî ra laser werişt. 5 kesan dinyaya xo bedilnaye. Tayê kesî zî vînî bîyî.
Qezaya Tûtî ya Semsûrî de merdeyî estê. Goreyê zanayîşanê ke ameyî girewtene, konteynira mexdûranê erdlerzî binê laserî de mende û kesanê ke dinyaya xo bedilnaye mexdûranê erdlerzî ra yê.
Riha de zî varayîşî tesîrê xo ramojna. Keyeyî û cayê karî binê laserî de mendê. Reyna rayîr, pird û tunelî pê awe bîyî. Seba ke vera laseran tedbîrî nêameyî girewtene, şar vera îdarekaran hêrsbîyaye yo. Tunelo ke binê awe de mend, 6 kesî tede mehsûr mendî.
Qezaya Haliliye de çatrayîro ke di aşmî verî Erdoganî akerdişê ci kerd û sey xizmetê girdî ame mojnayene, tîya zî merdimê ke mehsûr mendê est ê.
Reyna qezaya Eyyubiye de zî qato yewin ê Newêşxaneyê Cigêrayîş û Perwerdeyî de unîteyê ciewnîyayîşê giranî binê laserî de mend. Neweşî neweşxaneyanê bînan rê ameyî sewqkerdene.
