Goreyê zanayîşanê ke ameyî girewtene artêşa tirke şaristanê Tirbesipîyê yê Kantonê Cizre de îstasyonê neftî yê Seida da bombayan ver.

Seida ke îstasyonanê tewr pîlan ê kantonî ra yew o qismêkê ci rijîya. Îstasyon par zî bi desan rey bîbî hedefê dewleta tirke.

Rojanê peyênen da binawîyê sîvîlî, axpînî û çimeyê debarî hetê dewleta tirke ra yenê hedefgirewene. Par zî vera nê cayan ê sîvîlan dewleta tirke sûcê şerî kerdbî.