Şerê Rûsya yo ke vera Ukraynaye de dabî dest pê kerdene roja 3. dewam keno. Şero ke dewletê rojavayî tena bi cezakerdişî sînor mendî de artêşa Rûsya kewte paytext Kîevî û şer hîna zêde sûr bî.
Şerê Rûsya yo ke vera Ukraynaye de dabî dest pê kerdene roja 3. dewam keno. Şero ke dewletê rojavayî tena bi cezakerdişî sînor mendî de artêşa Rûsya vizêr kewte paytextê Ukrayna Kîevî û şer hîna zêde sûr bî. Rûsya goş nêdana qerarê cezakerdişî yê dewletanê rojavayî û averşîyayîşê xo domnena. Vizêr wirdî hetî zî vengê ‘muzakereyî’ rê baş nizdî bibî.
Heto bîn de pêroyê dinya ser de seba şermezarkerdişê şerê Rûsya ke vera Ukraynaye da dest pê kerdene çalakîyê virazîyenê. Sere de Moskova xeylê welat û paytextanê înan de siloganê ‘Şerî Rê Nê’ ame berzkerdiş û veng dîyeno dinya ke ‘Vengê Xo Berz Bikerê’.
