Şêxê qebîleya Welîdî ya eşîra El Elîyî Remedan Rîhalî derheqê îşxalê dewleta tirke de tayê ercnayîşî kerdî û wina vat: “Ma sey eşîre heta peynî hetê QSDyî de yê. QSD şarê ma paweno.”

Şêxê qebîleya Welîdî ya eşîra El Elîyî Remedan Rîhalî derheqê hêrişanê dewleta tirke yê vera Rojawanê Kurdistanî de ANFyî rê qisey kerd.

Rîhalî ard ziwan ke dewleta tirke bi serran o her tewirê metodanê şerî vera erdê Sûrîye ceribnena û vat: “Tirkîya bi îşxalê herêmanê ma demografî vurnaye, xozaya ma talan kerde û wêran kerde. Pereyê xo nê herêman rê ferz kerd û pereyê Sûrîye wedarit. Warê tarîxî yê Sûrîye bi destê înan ameyê xerakerdene û xeylêk herêmê tarîxîyî ameyî çinkerdene. Dewleta tirke hem Sûrîye îşxal kerde hem zî merdimê Sûrîye xo rê kerdê leşker. Dewleta tirke merdimanê ma kena ajan û pê înan way û birayan dana kiştene.

QSD ganî heta ke ajanêk zî nêmano operasyonanê xo rê dewam bikero. Ma sey eşîre heta peynî hetê QSDyî de yê. QSD şarê ma paweno. Şerê vera îşxalkeran erko sereke yê her kesî yo. Goreyê îslamî vera îşxalkeran desteştişê çeke, pawitişê erdî ferz o. Wa her kes dest bierzo çeke û hetê QSDyî de ca bigêro. No her kesî rê erkê rûmetî yo.”

Şêx Remedan Rîhalî venga alîmanê dînî, dewletanê Yewîya Îslamî û Yewîya Ereban da ke wa vera hêrişanê dewleta tirke bêveng nêmanê.