Dewleta tirk êrîşa ku di 19’ê mijdarê de li dijî Bakur û Rojhilatê Sûriyeyê da destpêkirin didomîne. Di vê çarçoveyê de dewleta tirk duh êvarê jî gundên Til Temir, Kobanê û Eyn Îsayê topbaran kir.
Dewleta tirk gundên Gozeliyê , Um El-Kêf û Til Cuma yên Til Temirê bi çekên giran dan ber topan.Her wiha gundên Xirabîsan, Zormixar û Şêxlera Jorîn ên Kobanê jî topbaran kirin.
Li Eyn Îsayê jî dewleta tirk a dagirker û çeteyên wê gundên Seyda û rêya M4’ê bi obusan topbaran kirin. Her wiha li heman herêmê gundê Cideyde û Kampa Eyn Îsayê jî hedef hatin girtin.
