Tepişteyo edlî Îlyas Demîr Zîndanê Bolu de hucreyê yewkesan de merde ame dîyene. Ame îdîakerdene ke tepişteyo edlî Îlyas Demîro ke cezaya ci muebedê giranî estbî Zîndanê Bolu de hucereyê yewkesan de merde ame dîyene.
Keyeyê Demîrî Riha de xebara mergî mixtarê taxe ra girewte la derheqê mergê ci de zanayîş nêame dayene. Waya Demîrî Mahîde Demîr vat birayê ci 2013î ra nata zîndananê cîya cîyayan de yeno tepiştene û rixmo ke problemê ci yê psîkolojîkî estê nêame tedawîkerdene. Mahîde Demîr vat ê do derheqê îdareyê zîndanî de pêhesanayîşê sûcî bikerê.
Çar rojane peyênan de hîrê cenazayî zîndanan ra vejîyayî. 14ê kanûne de Zîndanê Şakranî de Abdulrezak Şuyur, 15ê kanûne de Zîndanê Amedî Halîl Guneş û ewro zî Îlyas Demîrî dinyaya xo bedilnaye. BOLU
