Lijneya Dîsîplînê ya Girtîgeha Xarpêtê li Hevseroka Kongreya Civaka Demokratîk (KCD) Leyla Guven bi hinceta, “Heqaret li karmendê dewletê kiriye” 11 roj cezayê hucreyê birî.
Keça Hevseroka KCD’ê Sabîha Temîzkan ji bo ku dayika xwe bibîne di 11 çileyê de çûbû hevdîtina dayika xwe. Sabîha rewşa dayika xwe li ser medya dijîtal parve kiribû û gotibû ku dayika wê hatiye tehdîtkirin. Temîzkan, axafitnên dayika xwe li ser medya dijîtal parvekiribû û gotibû,”Min bi dayika xwe Leyla Guven re hevdîtin kir. Dayika min got dema ku ew birine aşiyê ji ber destê wê di berîka wê de bûye ji aliyê qerdiyanekî ve hatiye tehdîtkirin. Dayika min jî ji ber vê tehdîda ku ji aliyê kamerayan ve jî hatiye tehdîtkirin got ku ew ê gilî li qardiyan bike.”
Lê rayedarên Girtîgeha Jinan a Xarpêtê li şûna giliyê Guven li ber çavan bigirin û gardiyan ceza bikin, dijberî wê cezayê dîsîplînê li Guven birîn.
