Parlamentera HDPyî ya verêne Sîbel Yîgîtalpe derheqê tecrîdê vera Serekê PKKyî Abdullah Ocalanî de ANFyî rê ercnayîşî kerdî.

Yîgîtalpe îfade kerd ke eke tecrîdê vera Abdullah Ocalanî biqedo şarê Tirkîya mîyanê refahî de biciwîyê û vat: “Tecrîdê vera Birêz Ocalanî sey şerî agêreno komelî. Tecrîd de israr, yeno manaya israrê şerî. Şarê kurdî Birêz Ocalan sey muxatabê verênî qebul kerdo. Meydananê Newroze û 8ê Adare de zî şarê kurdî bi xurtî îradeyê xo mojna. Êyê ke bi şerî pîzeyê xo dekenê şaran binê krîzê ekonomîkî de verdenê. Hînî mumkîn nîyo ke no proses wina dewam bikero. Seba ke şîdet biqedo û aştîye bêra, ganî tecrîd wedarîyo û Ocalan azad bibo.”

Yîgîtalpe vist vîrî ke tepişteyî vera tecrîdî grevê vêşanîye de yê û vat: “Tepişteyî bi boykotê mehkemeyan, redkerdişê pêvînayîşan kenê ke tecrîdê Îmraliyî bi zelalî bimojnê. Seba ke şarê Rojhelatê Mîyanênî û Tirkîya nê prosesê şîdetî ra bixelisê ganî tecrîd bêro wedaritene û prosesê muzakereyan dest pêbikero.”