Îro danê sibehê polîsan li Mûşê bi ser malan de girtin. Di encama serdegirtinên malan de Hevseroka Partiya Demokratîk a Gelan (HDP) a Mûşê Bermal Nergîz hate binçavkirin.Her wiha di encama serdegirtinên li Tekîrdagê de 2 rêveberên HDP’î hatin binçavkirin.
Îro danê sibehê polîsan li Tekîrdagê bi ser malan de girtin. Di encama serdegirtinên malan de Hevserokê Partiya Demokratîk a Gelan (HDP) a navçeya Eregliyê Ridvan Ulaşman û rêveberê navçeya Çerkezkoyê Niyazî Artun hatin binçavkirin.
Hat zanîn ku di dema serdegirtinê de deriyê mala Nergîz hatiye şikandin û li malê lêgerîn hatiye kirin. Sedema binçavkirina Nergîz nehat zanîn û niha li Midûriyeta Emniyetê ya Mûşê tê ragirtin. Hat ragihandin ku dibe hejmara binçavkiriyan zêdetir bibe.
