Îdareyê Xoserî yê Rojawanî vat ke dewleta tirke wazena demografîye herêmanê îşxalkerdeyan bivurna û ard ziwan: “Dewleta tirke kena ke pê planê ‘cakerdişî’ û tamponî mabênê sûrîyeyijan de şer biveja, demografî bivurna û merdiman bişuxilna.”
Îdareyê Xoserî yê Rojawanî bi eşkerayîyêke da zanayene ke zaf tehlukeyin o ke multecîyê Sûrîye yê ke nika Tirkîya de yê waranê xo de nêrê cakerdene û ard ziwan ke dewleta tirke bi nê hawayî wazena demografîya herême bivurna.
Îdareyê Xoserî eşkerayîye de pare kerd ke Tirkîya herême de tirkî ferz kena, paştî dana cergan û terorîstan, demografîya herêmanê îşxalkerdeyan û nasnameyê herême bivurna. Îdareyê Xoserî vat: “Dewleta tirke wazena nê herêman sey hacetê şantajî bişuxilna. Operasyon û polîtîkayê ci yê bi nameyê ‘asayîşî’ zî seba nê armancî yê.
Dewleta tirke kena ke pê planê ‘cakerdişî’ û tamponî mabênê sûrîyeyijan de şer veja, demografî bivurna û merdiman bişuxilna. Erdogan pê destekê Qatar, Kuveyt û komeleyanê bînan keyeyanê kolonyalî virazena. Coka her hetkarî û destek yeno manaya hemkarîya dewleta tirke.
Zaf tehlukeyin o ke multecîyê Sûrîye yê ke nika Tirkîya de yê waranê xo de nêrê cakerdene. Ma venga şarê Sûrîye danê ke wa nêbo leteyê nê kayan û mexapîyo. Ganî rêxistine û dezgehê mîyanneteweyî destûr nêdê projeyanê winasênan. Ma do vera nê projeyan vinderê.”