9ê endamê DÎK û DÎAY-DERî ke hewteyêk vere cû seba ke kurdkî xutbe dayo wendene û nimaj dayo kerdene ameybî destbendkerdeno, ameyî tepiştene.
Stenbol de 3ê temmuze vera endamanê Komelaya Alîmanê Dînî (DÎAY-DER) Kongreya Îslamê Demokratîkî (DÎK) operasyonê qirkeridişê sîyasîyî amebi kerdene û Serekê DÎAY-DERî Ekrem Baran zî tede 26 kesî ameybî destbendkerdene. Înan ra 9 kesî ameyî tepiştene.
26 kesê ke vizêr vejîyayî Edlîyeya Çaglayanî badê îfadedayîşî sewqê mehkeme bîyî. Mehkeme de Hasan Karahan, İbrahim Yakin, Fevzi Variş, Celal Kiliçer, Nasri Tonguç, Mehmet Emin Kirmizikiyin, Şemsettin Taş, Mehmet Şimşek, İbrahim Şek, Nur Mehmet Işik, Abdulhakim Oztekin, Ali Demir, Fahrettin Ulgun ameyî veradayene. Lutfî Buyikefe û Riza Ugur zî bi şertê kontorlê edlîyî ameyî veradayene.
Ali Fuat Hatip, Aydin Ayhan, Enver Karabey, Mehmet İnan, Mehmet Emin Aslan, Nezir Erdemci, Ekrem Baran, Hafik Tunç û Sefa Mehmetoglu zî ameyî tepiştene.
Badê mehkeme verê edlîye de eşkerayîye ameye dayene. Avûkatê endamanê DÎK û DÎAY-DERî Vedat Eceyî ard ziwan muwekîlê ci bi nêwendişê xutbeyê Dîyanetî û îbadetê kurdkî ameyî sûcdarkerdene vat seba ke kurdkî xutbe dayo wendene û nimaj dayo kerdene, ameyî tepiştene.
Parlementera Partiya Demokratike ya Şaran (HDP) û Hemvervatoxa DÎKî Huda Kaya zî vat: ”Rejîmê yew merdimî tim vano yew beyraqe, yew welat û yew şar. Ewro yew mezhep zî bi înan ser. Zîhnîyetê emevîyî bi rojan o seba ke nê merdimî dînî qebûl nêkenê bibê maleyê qesre ci rê zulim keno.”STENBOL
