Vervatoxa Dewrî ya TJA Ayşe Gokkane zî tede 7 cinîyê tepişteyî ameyî surgunkerdene.
Goreyê zanayîşanê ke ameyî girewtene Vervatoxa Dewrî ya Têgêrayîşê Cinîyan ê Azadan (TJA) Ayşe Gokkane zî tede 7 cinîyê tepişteyî vizêr saetanê serê sibayî de Zîndanê Qefilnayeyî yê Amedî ra ameyî surgunkerdene.
Nameyê cinîyanê ke ameyî surgunkerdene wina yê: “Ayşe Gokkane, Dîlan Dage, Emîne Abîşe, Emîne Erole, Berîtan Yaşare, Zerîfe Cane û Rozerîn Soylere.”
Avûkatanê cinîyan vat înan hema derheqê muwekîlanê xo de zanayîş nêgirewto, nêzanê sera şîyî û rewşa înan senîn a.
