Tepişteyê nêweşî û ê ke înfazê ci ameyo vêşnayene 239 rojî yo verê Zîndanê Tîpê Dyî yê Amedî de nobeta edaletî de yê.

Merdimanê tepişteyanê nêweşan û tepişteyanê ke înfazê înan ameyo vêşnayene roja 239. de verê Zîndanê Tîpê Dyî yê Amedî de nobeta edaletî rê dewam kerd.

Endamanê Komela TUAY-DER, Xîretê 78an, HDP û DBPyî paştî daye çalakîkeran. Merdimanê tepişteyan ra Herdem Merwanîye ard ziwan ke çend rojan ra dima çalakîya înan do bikewa menga 9. Herdeme îfade kerd ke waştişê înan waştişê komelî yê la selahîyetdarî xo kenê kerr.

Herdem Merwanîye da zanayene ke seba ke merdimê înan zîndananê dûran de ameyê cakerdene nêeşkenê roşan de înan zîyaret bikerê û vat: “Bi nê hawayî keyeyî yenê cezakerdene.”