Amed de rêxistinanê komelê sivîlî û partîyanê sîyasîyan tecrîdê vera Rayberê Şarê Kurdî Abdullah Ocalanî û zulmê zîndanan protesto kerdî.

Amed de rêxistinanê komelê sivîlî û partîyanê sîyasîyan tecrîdê vera Rayberê Şarê Kurdî Abdullah Ocalanî û zulmê zîndanan protesto kerdî.  Endam û îdarekarê Partîya Demokratîke ya Şaran (HDP) û Partîya Herêmê Demokratîkî (DBP), keyeyê Nobeta Edaletî ya Baroyê Amedî û xeylêk hemwelatîyî tewrê çalakîye bîyî.

Hemserekê DBPyî yê Amedî Hayrettîn Altunî bale ant Nobeta Edaletî ya Baroyê Amedî ser û vat: ”Ganî tecrîd û îzolasyonê vera zîndanan wedarîyê. Heta ke edalet bêro caardene têkoşînê ma do dewam bikero.”

Hemsereka DBPyî ya Amedî Sevale Gulmez mergo şikdar ê Garîbe Gezer vist vîrî û vat: ”Dewlete zîndanan de tepişteyan mehkumê mergî kena. Îdareyê zîndanan û dezgehê muhakemkerdişî zî hemkarê nê qirkerdişan ê. Na hişmendîye do qetî bêra muhakemekerdene. Şarî, pawitoxê nasname û heqanê merdiman do ser bikewê. Tecrîdê vera Birêz Ocalanî do qetî nêro qebulkerdene. No vera merdimîye sûc o.”

Çalakîye pê sloganê ‘Biciwîyo xoverdayîşê zîndanan’ qedîya. AMED