Artêşa tirk, çoltera gundê Bana yê navçeya Basa ya Şirnexê ku zêdetirî du mehan e dorpêç kiriye bi helîkopteran bomberan dike. Bomberana artêşa tirk ji duh ve didome. Şêniyên herêmê ji Ajansa Mezopotamyayê (MA) re ragihandin ku ji duh ve li herêmê tevgera leşkerî ya hewayî û bêjahî heye. Şêniyan ragihand ku bi helîkopteran leşker sewqî herêmê tên kirin. Dengê çekan û bombebaranê ku ji duh heta niha kêm nebûye gundiyan aciz dike.

Hate zanîn ku baxçeyên şeniyên herêmê ku duh di encama gulebarana leşkeran de agir pêketibû jî ji ber ku mudaxile nehatibû kirin şewitîne. Di saetên serê sibê de çemê li rex gundê Bana ji aliyê du helîkopteran ve hate bomberankirin.