Serokê Baroya Amedê Nahît Eren û endamên Lijneya Rêveber a Baroyê çû serdana Komeleya Rojnamegeran a Dîcle Firatê (DFG). Şandeya Baroyê ji aliyê Hevserokê DFG’ê Serdar Altan û endamên Lijneya Rêveber ve hate pêşwazîkirin.
Serokê Baroya Amedê Nahît Eren di serdanê de axivî, derheqê îdianameyên rojnamegeran de agahî girt û got ku dê piştevaniya wan a bi rojnamegeran re her tim bidome. Hevserokê DFG’ê Serdar Altan jî bal kişand ser binpêkirinên mafên mirovan ên li Tirkiyeyê û da zanîn ku tevî her cureyên zextan jî rojnameger têkoşîna xwe ya nivîsandina heqîqetê didomînin.
