Serokê Herêma Kurdistanê Nêçîrvan Barzanî piştî êrîşên hewayî yên berfireh ên li dijî Şengal, Mexmûr û rojavayê Kurdistanê li koşka Serokkomariyê bi Serokkomar Erdogan re hevdîtin kir. Nêçîrvan Barzanî piştî êrîşên li dijî Mexmûr, Şengal û Rojava hat Tirkiyeyê û bi Erdogan re hevdîtin kir. Ev bû sedema pirsên gelo di van êrîşan de hevkariya PDK’ê ya bi Tirkiyeyê re çiye? anî aqilan.
DAIŞ’ê di 20’ê çile de êrîşî Girtîgeha Sînna ya Hesekê kiribû û 6 rojan bi HSD’ê re şer kiribû. HSD’ê piştî operasyona 6 rojan êrîşa DAIŞ’ê kişand û DAIŞ dîsa têk bir. Piştî têkçûna DAIŞ’ê şevê din balafirên şer ên Tirk êrîşeke berfireh li dijî Kampa Penaberan a Mexmûrê, Şengal û Rojavayê Kurdistanê pêkanî. Di encama êrîşan de li Mexmûrê 2 û li Şengalê 3 û li Rojava ji 4 endamên parastinê jiyana xwe ji dest dan. Bi dehan kes jî birîndar bûn.
