Tarîxê şayîyanê Newroze ameyî eşkerakerdene. Adiro verên do 15ê adare de memleketê Mazlûm Doganî Dep de bêro tafînayene. Roşanê Newroze ke her serre bi mîlyonan ano têhet, emser 57ê ci merkezî do bi seyan cayan de bêro pîrozkerdene. Tarîxê şayîyanê Newroza 2024î eşkera bîyî.
Startê Newroze do 15ê adare de qezaya Depî ya Xarpêtî de bêro kerdene. Dep memleketê Mazlûm Doganî yo ke 21ê adara 1982yî de bedenê xo dabî adirî ver. Reyna sey sembolî do Sûranê Amedî û Kadifekaleyê Îzmîrî de adirê Newroze bêro tafînayene. Sûranê Amedî de 21ê adara 1990î de Zekîye Alkane bedenê xo dabî adirî ver. Kadifekaleyê Îzmîrî de 22yê adara 1992yî de Rahşan Demirele bedenê xo dabî adirî ver.
Pîya bi 57 merkezan xeylêk bajaran, qeza, dewe û bajareke de do adirê Newroze bêro tafînayene. 21ê Adare de têna Amed de Newroze do bêro pîrozkerdene. Waştişê azadîya fîzîkî ya Serekê PKKyî Abdullah Ocalanî û çareserkerdişê meseleya kurdan do morê xo bidê Newroza emserî ro.
Tarîxê Newroza 2024î bajar bi bajar wina yê:
15ê Adare: Dep
17ê Adare: Giyadîn/Agirî, Dîlok, Kanîreş/Çewlîg, Bûrsa, Denîzlî, Colemêrg, Stenbol, Îzmîr, Dîgor/Qers, Kocaelî, Osmaniye, Şirnex, Tekîrdag, Pirsûs û Xelfetî/Riha, Wan
19ê Adare: Panos/Agirî, Bazîd/Agirî, Golan/Erdexan, Balikesîr, Dêrsim, Qereçoban/Erzirom, Hatay, Kaxizman/Qers, Nisêbîn/Mêrdîn, Mûgla, Milazgîr û Kop/Mûş, Dihê/Sêrt, Qileban û Cizîr/Şirnex, Wêranşar/Riha.
20ê Adare: Erdîş/Wan, Aydin, Êlih, Tetwan/Bedlîs, Çanakkale, Gever/Colemêrg, Îdir, Konya, Manîsa, Qoser/Mêrdîn, Mersîn, Sêrt, Çewlîg, Elkê/Şirnex.
21ê Adare: Amed
23ê Adare: Şemzînan/Colemêrg, Mûş, Riha, Enqere
24ê Adare: Çelê/Colemêrg, Edene, Kirşehîr, Antalya
25ê Adare: Agirî
