Hêzê Îranî ewro zî herêmanê Biradostî û Balekayetî yê Başûrê Kurdistanî danê bombayan ver.
Dîya zanayene ke ewro zî Îran bi giranî herêmanê Biradostî û Balekayetî yê Başûrê Kurdistanî dano bombayan ver.
Warê binê Koyê Helgurdî, sînorê dewa Jorê, Çîxî Derî û Bêrme Sardî yê Balekayetî, warê Berbizîna, dewa Perexî û dewanê Ketîne yê Biradostî bi giranî hetê Îranî ra dîyenê bombayan ver.
Ame parekerdene ke bombardumanê vera herême hema zî dewam keno. Derheqê zeraranê madî û ganî de agahîyêke nêgêrîyaye.
8 rojî yo hêzê Îranî herêmanê Balekayetî û Biradostî danê bombayan ver. Bombardumanê 28ê êlule de 13 kesî ameybî qetilkerdene û 58 kesî zî birîndar bîyî.
