Çewlîg de mînîbusa raywanan leyr bîye. Qeza de 2ê înan bi giranî 16 kesî birîndar bîyî.
Çewlîg de vizêr veraşan mewkîya dewa Cêrîne de qezayê trafîkî qewimîya. Qeza de 16 kesî birîndar bîyî. Mînîbusa ke merkezê Çewlîgî ra rayrawanî kiriştêne dewa Kormanî kontrolê ramitoxê ci Abdurrahman Bulgakî ra vejîyaye û leyr bîye. Netîceya qeza de 2ê înan bi giranî 16 kesî birîndar bîyî. Ekîbanê weşîye birîndaran rê mudaxaleyo verên cayê qewimîyayîşî de kerd dima ra birîndarî ameyî berdene Nêweşxaneyê Dewlete yê Çewlîgî. Derheqê qezayî de cipêrsayîş dîya destpêkerdene. ÇEWLÎG
