Merkezê Cigêrayîşanê serê Dêrsimî (DAM), Federasyonê Komeleyanê Dêrsimî (DEDEF) û Federasyonê Yewîyanê Dêrsimî yê Demokratîkan (ADEF) seba yadkerdişê qurbananê Terteleyê Dêrsimî veng da.
DAMî venga her kesî da ke 4ê gulane (ewro) goreyê saeta herême 20.30 û goreyê saeta Ewropa 19.30î de twitter de pê vilakerdişan qurbanan yad bikero.
DEDEFî û ADEFî zî venga her kesî da ke wa pê eşkerayîyan û aktîvîteyan qurbananê terteleyî bêrê yadkerdene. Dezgehan waşt ke wa hemwelatî saete 19.37 de findeyan tavisnê, şiwaran vajê û medyaya dîjîtale ser o nê aktîvîteyan vila bikerê.
