Di çarçoveya lêpirsîna Serdozgeriya Komarê ya Amedê de polîsan di 8’ê hezîranê de Midurê Karên Nivîsan ê Rojnameya me Mehmet Alî Ertaş, edîtorê me Rohat Bûlût û Hevserokê Komeleya Rojnamegeran a Dîcle Firatê (DFG) Serdar Altan jî di nav de bi ser gelek malên rojnamegeran de girtibûn û 18 rojnamegeran binçav kiribûn. Piştî binçavkirina 8 rojan 16 rojnameger bi angaşta “endamtiya rêxistinê” hatibûn girtin û piştî 13 mehan di 12’ê tîrmehê de di danişîna xwe ya yekemîn de hatibûn berdan.
Duyemîn danişîna doza rojnamegerann li 4’emîn Dadgeha Cezayên Giran a Amedê dest pê kir. Rojnamegerên negirtî tên darizandin û parêzerên wan di danişînê de amade bûn. Rêveberên Komeleya Rojnamegeran a Dîcle Firatê (DFG), Komeleya Rojnamegerên Jin a Mezopotamyayê (MKG), hiqûqnasên endamên Clonney Foundatıon for Justıce (Weqfa Clooney a ji bo Geórgia Canura û Carolina Saad jî di danişînê de amade ne.
