Vervatoxê Artêşa Pêroyî ya Iraqî Tumgeneral Yahya Resulî eşkera kerd ke hêrişê vera Silêmanî bi destê Tirkîya ameyo serûberkerdene.
Vervatoxê Artêşa Pêroyî ya Iraqî Tumgeneral Yahya Resulî derheqê hêrişî de eşkerayîyêke daye.
Resulî vat: “Vizêr saete 17.00 de droneyêkê çekdarî yo ke Tirkîya ra perrayo hêrişê Meydanê Teyarayan ê Zîretî yê Erbetî kerd. Hêriş de 3 endamê Îdareyê Antîterorî şehîd bîyî û 3 endamî zî dirbetin bîyî.
No hêriş vera serdestîya erdê Iraqî binpaykerdiş o û vera aştî û aramîya herême gef o. Nê hêrişî qanûnê mîyanneteweyî û Neteweyê Yewbîyayeyî zî binpay kerdî.”
Yahya Resulî pare kerd ke heqê Iraqî est o ke peynîya nê binpaykerdişan bîyaro.
