Rêveberê saziya Çavdêriya Mafê Mirovan a Sûriyeyê Ossama Silêman li ser rûpelê xwe yê malpera dijîtal bi parvekirinekê bala raya giştî kişand ser dirûtiyeke mezin a rayedarên dewleta tirk. Parvekirin bi zimanê erebî hatiye weşandin û wergera wê wiha ye: Pîrejina sûrî Horiye Mihemed li Efrînê ji alî komeke alîgirên dewleta tirk ve hate lêdan.
Li Efrînê faşîstekî kulmek li çavê Horiyê yê çepê da lê ew yek dûrî çavê çapemeniyê kir. Li Tirkiyeyê jî faşîstekî li pêşberî medyayê pihînek li çavê rastê yê pîrejina sûrî ya bi navê Leyla Mihemed da.
Horiye Mihemed ji ber îşkenceya ku lê hatibû kirin piştî çend rojan mir û hevjînê wê jî ji alî heman koma çete ya girêdayî dewleta tirk ve hate kuştin.
Waliyê Dîlokê serdana Leyla Mihemed kir ji ber ku ew ji bo medyayê bûbû rojeveke germ. Gelo çi ferq di navbera Horiye û Leyla de heye. Gelo çi cudahî di navbera faşîstê ku li Efrînê êrşî Leyla kir û yê li Tirkliyeyê êrîşî Horiye kir, heye?
