Carekê mirovek li basê siwar dibe û dema dixwaze pere bide ajokar, destê xwe davêje berîka xwe dibîne ku vala ye. Di nava basê de dizekî hemû perê wî ji berîka wî derxistiye.
Mêrik bi şermî ji ajokar re dibêje welehî hinekan pereyên min dizî ne û bibore ez nikarim pere bidim te, dixwazî min li vir daxîne.
Kesê ku perê wî diziye bi dengek bilind dibêje na xalo na tuyê çawa dakevî, ez ê li şûna te pere bidim ajokar.
Rêwiyên di basê de tev bi hevre ji mêrikê diz re li çepikan didin û wekî ku qenciyeke mezin kiribe.
Îca van rojan mesela me û Amerîkayê jî hinekî wiha ye. Hem dewleta tirk bi destûra wan û derew û hincetên vala êrîşî Rojava dike û hem jî Amerîka daxuyaniyan dide û hişyariyan dide dewleta tirk ku êrîşên xwe rawestîne.
