Endamên Federasyona Komeleyên Ciwanên Sosyalîst (SGDF) Adnan Ozcan û Kalender Polat ên ku ji bo bîranîna ku wê di 28’emîn salvegera Komkujiya Gazî de li Taxa Gazî ya navçeya Sûltangazî ya Stenbolê bê lidarxistin banga tevlêbûnê kirin, ji aliyê polîsan ve hatin binçavkirin. Nehate hînbûn ku Ozcan û Polat ên hatin binçavkirin birine ku derê.
Girseya ku wê sibe saet di 12.00’an de ji bo çalakiya bîranînê li Malacemê ya Gaziyê kom bibe, piştî meş û daxuyaniya çapemeniya ku bê lidarxistin, wê kesên di komkujiyê de jiyana xwe ji dest dane li ser gorên wan ên li Goristana Gaziyê bi bîr bînin.
