Bi hezaran kurdistanijî û dostê înan tewrê Festîvala Kulturê Kurdan a Mîyanneteweyîye bîyî.
Bi hezaran kurdistanijî û dostê înan semedê tewrbîyayîşê Festîvala Kulturê Kurdan a Mîyanneteweyîye bajarê Landgraafî yê Hollanda de ameyî têhet.
Festîvala Kulturê Kurdan a Mîyanneteweyîye ya 30. bi şîarê ‘’Ma do vera îşxal û qirkerdişî Kurdistanî bipawê’’ yena kerdene.
Ciwanê ke bajaranê cîya cîyayan ra tewrê festîvale bîyî bi sloganê “Bijî Serok Apo” govende genê.
Hemserekanê KCDK-E Fatoş Goksungure û Yuksel Koçî bi nameyê komîteya amedekarîye qiseykerdişê akerdişî kerd. Çalakwanê Rayraşîyayîşê Dergî zî bi sloganan tewrê festîvale bîyî. Festîvale de sloganê selamkerdişê têkoşînê gerîlayan û protestokerdişê hêrişê îşxalî benê berz.
