Girtiyê nexweş Hanefî Eser hat berdan. Eser, di 29’ê cotmeha 1992’yan de hatibû girtin û di lîsteya girtiyên nexweş a Komeleya Mafên Mirovan (ÎHD) de cih digirt. Eser, piştî girtina xwe ya 30 salan ji Girtîgeha Tîpa T a Hejmara 2 a Bunyanê ya Qeyseriyê hate berdan.

Rojeva Zîndanan, li ser hesabê xwe yê medya sanal berdana Eser bi parvekirinekê ragihand. Rojeva Zîndanan, ji bo berdana Eser di parvekirina xwe de ev tişt nivîsand: “Piştî 30 salan tu bi xêr hatî. Hanefî Eser bi wan 30 salên zehmet li ber xwe da û hate berdan. Tu ji gelek derdan, demên îşkenceyan û ji grevên birçîbûnê derbas bûyî. Tu bi xêr hatî nav gelê xwe.”