Xebata vîdeoyo ke cayanê qirkerdişan ê Terteleyê Dêrsimî ser o ame kerdene, kanalê youtube yê ‘Turkiye Kulturleri’ de ame weşanayene.
Xebate hetê Temsîlkarîya Tirkîya ya Komeleya Friedrich Ebert Stiftungî ra yena paştîdayene û xebate de warê qirkerdişî yê Kemerê Arey (Halvoriye), Koyo Spî (Zimeq), Kirnîga Xalî, Serkemer-Derê Xezanî û Deştî ca gênê.
Çarçewa xebate de nê panc cayan ra ber warê bînî yê qirkerdişî zî do bêrê cigêrayene. Unîversîteya Bilgi ra Prof. Dr. Bulebt Bîlmez û Cemal Taş xebate îdare kerdî û Dr. Esengule Ayyildiz zî koordînatorîya xebate kerda.
Doneyê xebate prosesê ‘Porjeyê Envanetera û Xerîtakerdişê Goristanan ê Komkîyan û Cayanê Qirkerdişî yê 1937-38’ de bêrê ercnayene û dima zî pê rayîrê kitab û sîteyanê înternetî bêrê parekerdene.
