Tepişteyê ke seba azadîya Abdullah Ocalanî û çareserîya meseleya kurdan 9 rojî yo grevê vêşanîye kenê wina qisey kerd: ”Eke waştişê ma nêrê caardene, ma do çalakîyanê hîna radîkalan bikerê.”

Tepişteyanê Zîndanê Bi Asayîşê Berzî yê Amedî derheqê grevê vêşanîye de mesajêk da. Tepişteyan vist vîrî ke Serekê PKKyî Abdullah Ocalan 25 serrî yo bi hawayêkê bêhuqûqî yeno tepiştene. Tepişteyan bale ante ser ke Abdullah Ocalan seba çareserîya meseleya kurdan aktorêko tewr girîng o.

Tepişteyan vat: “Wa no prosesê şerî vindero, tecrîdê Îmraliyî wedarîyo, şert û mercê Zîndanê Îmraliyî bêrê holkerdene, prosesê dîyalogan o newe dest pêbikero. Grevê vêşanîye 10 rojan de yew bi komêka newîye dewam keno. Eke waştişê ma nêrê caardene ma do çalakîyanê hîna radîkalan bikerê. Ma wazenê ke verê şerî û mergan bêro girewtene. Ma venga pêro merdimanê wayîrwijdanan û dezgehan danê ke wa vengî bidê vengê ma. Ma do pîya bi pîlkerdişê na çalakîye qetî ser bikewê. Serkewtiş do ê têkoşeran bibo.”